National Emblem of Kazakhstan

Қазақстан Республикасы Президентінің

ресми сайты

Қазақстан Республикасы Президентінің

ресми сайты

Жаңалықтар


Ақорда

Бүгін Ақордада Қазақстан Республикасының Мемлекеттік хатшысы Марат Тәжиннің қатысуымен Қазақстан халқы Ассамблеясы Ғылыми-сарапшылық кеңесінің кеңейтілген отырысы өтті

2013 жылғы 20 қыркүйек

 

Кеңес жұмысына Президент Әкімшілігінің басшылығы, Парламент депутаттары, мемлекеттік органдар өкілдері, ғылыми-сарапшылық кеңестің және облыстардағы ғылыми-сарапшылық топтардың мүшелері, ғылыми және шығармашылық интеллигенция, БАҚ өкілдері қатысты.

Мемлекеттік хатшы Мемлекет басшысының «Қазақстан – 2050» Стратегиясы – қалыптасқан мемлекеттің жаңа саяси бағыты» атты Жолдауы, ҚХА-ның 2020 жылға дейінгі даму тұжырымдамасы және ҚХА-ның ХХ сессиясының басымдықтары тұрғысындағы мемлекеттік этносаясатты ғылыми-сарапшылық сүйемелдеу жұмыстарының негізгі міндеттері мен бағыттарын белгілеп берді.

Отырыс барысында мемлекеттік органдар мен ҚХА-ның ғылыми- сарапшылық кеңесінің «Қазақстан-2050» Стратегиясы, ҚХА-ның 2020 жылға дейінгі даму тұжырымдамасы және ҚХА-ның ХХ сессиясының міндеттері аясында этносаясатты ғылыми-талдауды қамтамасыз ету; мемлекеттік сәйкестіліктің негізі ретінде тарихи сананы қалыптастыру; ҚХА-ның ұлттық тарихты зерттеу жөніндегі міндеттері; тіл саясаты; Қазақстан өңірлеріндегі ғылыми-сарапшылық жұмыс мәселелері талқыланды.

Мәдениет және ақпарат, Білім және ғылым вице-министрлері, ҚХА Ғылыми-сарапшылық кеңесінің төрайымы А.Сәдуақасова, тарих ғылымдарының докторы, профессор Г.Кан, филология ғылымдарының докторы, профессор Э.Сүлейменова, тарих ғылымдарының докторы, профессор Г.Ким, Ақмола облыстық ҚХА Ғылыми-сарапшылық тобының мүшесі Н.Митчинова баяндама жасады.


Кері қайту Кері қайту Twitter Facebook Басып шығару
Tokaev

Қазақстан Республикасы Президентінің