National Emblem of Kazakhstan

Қазақстан Республикасы Президентінің

ресми сайты

Қазақстан Республикасы Президентінің

ресми сайты

Мемлекеттік кеңесші


Қазақстан Республикасының Мемлекеттік хатшысы Гүлшара Әбдіқалықова Қазақстан Республикасы Кәсіподақтар федерациясының кезектен тыс XXV съезіне қатысты

Жиынға Кәсіподақтар федерациясының төрағасы Б.Әбдірайым, Еңбек және халықты әлеуметтік қорғау министрі М.Әбілқасымова, «Атамекен» ұлттық кәсіпкерлер палатасының, халықаралық ұйымдардың өкілдері, Қазақстанның барлық өңіріндегі салалық кәсіподақтардың 200-ден астам делегаты қатысты.

Іс-шараның ашылуында Мемлекеттік хатшы Гүлшара Әбдіқалықова Қазақстан Президенті Нұрсұлтан Назарбаевтың съезге қатысушыларға арналған құттықтауын оқып берді. Онда: «Бүгінде Кәсіподақтар федерациясы – 2 миллиондай адамды біріктіріп отырған еліміздегі аса ірі қоғамдық ұйым. Жұмыс істеп жатқан 18 мыңға жуық бастауыш кәсіподақ ұйымдары еңбек жанжалдарын шешуге, еңбекшілердің құқықтарын қорғауға, еңбек шарттары мен қауіпсіздігін жақсартуға ықпал етіп, жұмыс берушілер мен жұмыскерлер арасындағы басты медиатор болып отыр. Үшжақты әлеуметтік әріптестік моделі де өзінің тиімділігін дәлелдеді, оның аясында жұмыс орындарын сақтау жөніндегі 115 мыңнан астам меморандумға қол қойылған. Кәсіподақтардың қатысуымен Халықаралық еңбек ұйымының 24 конвенциясы ратификацияланды. Бұл шаралардың бәрі еңбекшілердің жұмыс жағдайын жақсартып, олардың өмір сүру сапасын арттыруға бағытталған.

Кәсіподақтар федерациясы өзіне еңбек саласын жаңғырту жөнінде жауапкершілік ала отырып, жұмыс берушілермен бірге қазақстандықтардың Төртінші өнеркәсіптік революцияның жаңа жағдайларына әлеуметтік бейімделуімен шұғылданатын қозғаушы күшке айналуға тиіс», – деп атап өтілген.

Мемлекет басшысы қызмет формалары мен әдістерінің қайта қаралатынына, сонымен бірге еңбек нарығының жаһандық трансформациясын ескере отырып, Қазақстан кәсіподақтары қозғалысын одан әрі дамытудың жаңа стратегиясы әзірленетініне сенім білдірген.

Қазақстан Республикасының Кәсіподақтар федерациясы 21 салалық кәсіподақтан және 17 аумақтық бірлестіктен тұрады.


Кері қайту Кері қайту Twitter Facebook Басып шығару