Геральдикалық комиссияның қызметі мен атқарған жұмыстары туралы ҚР Мемлекеттік қызмет істері агенттігінің төрағасы Ә.Байменов есеп берді. Комиссия мүшелері Геральдикалық комиссияның 2014 жылға арналған жұмыс жоспарын талқылады. Жұмыс қорытындысында ведомстволық наградалар жүйесінің нормативтік құқықтық базасын жетілдіруге, ведомстволық наградалармен марапаттау тәжірибесін жинақтауға, мемлекеттік органдар қызметін үйлестіруге, комиссияның хаттамалық шешімдерін орындау сапасын арттыруға бағытталған нақты тапсырмалар берілді.